Caplutta da s. Brida Nadéls

Cheu sin l’alp Nadels sin ina altezia da 1940 meters sur mar stat quella caplutta ch’ei dedicada a s. Brida, la protectura buca mo dils affons, mobein era dallas vaccas, aucas ed andas. Tgi che vul, astga dar cun il zenn in pèr tucs viado el silenzi alpin. La caplutta cuntegn in sempel altar da lenn.

 

 

Da maun dretg sesanfla ina statua da s. Brida en ornat d’abbadessa. Pli da vegl eran las alas-tetg pli braccas ch’uss. Sur il tetg era in pesanca arviul che sfurzava dapart la miraglia. A caschun dalla renovaziun da 1936 ei igl arviul vegnius remplazzaus cun in pli sempel da lenn. Lez ha migliurau empau la statica dil bagetg. Tier la davosa renovaziun han ins dismess igl arviul da lenn e reconstruiu in da gep, quella gada denton aschia ch’el metta buc en prighel la caplutta.

Mintga visitader ei envidaus da formular ina supplica persunala ni da scriver dus plaids el cudisch dils pelegrins.

 

 

Patrocini: s. Brida da Kildare (1 da fevrer)
Construcziun: 1734
Consecraziun: 1 da fenadur 1734
Davosa renovaziun: 1980-1982

La clav per ina viseta ei da retrer tier 081 943 24 31.